後.遺

後悔,遺憾,二選一,你會揀哪一個,就好似「Matrix」,你會選擇藍藥丸定係紅藥丸?

後悔,一般黎講,都係做左某件事,之後因而產生左一種「唔做好過做」既感受。因而責備自己,悔不當初。但首要條件係要先做,至可以後悔,唔做係後悔唔到。不過後悔,可以視為有勇無謀既行徑,如果有謀,就唔會後悔,因為已經成了事,又何嘗會後悔呢?

另一方面,遺憾就係因為無做到,而不停係度諗諗諗,如果當時做左,就唔會好似而家咁。情形係有點兒似賭博(縱使人生就係一場大賭博),買六合彩個陣,早就知係呢幾個號碼,不過無買到既情況類同。不過遺憾同後悔唔同既地方,就係思考過度,行動力不足。

如果兩者比較要我揀的話,我寧願揀後悔多過遺憾。始終在做一件可能會後悔既事,成數都5050,而且一路做既時候,起碼係享受。但如果選擇左遺憾,姐係話100%係打輸數,連享受在其中也沒有。尋夢既人總比空想既人活得更實在,更豐富。