開水加個白菜

話說今日同朋友講開有個菜式相當特別,叫開水白菜。聽個名就覺得簡單,唔好以為真係開啲水加個白菜。其實係一啲都唔簡單,單單係個水已經用到老母雞,老母鴨(唔好諗咗去第度),雲南火腿,排骨同埋干貝等等熬出黎,都無話唔複雜。

再話說呢個菜式係有名的川菜菜式,「開水」意即好比水一樣透明,「白菜」就是簡單的白菜不過是用上湯燙熟(如錯,請指出)。一碟看似平民,簡單到不能再簡單的菜式,實質估你唔到,俗語有云「You cant judge a book by its cover」。

據上網文章,這個菜式都有個故仔,其中一個係咁既。周思來請日本貴賓食飯,其中一碟餸就係呢碟開水白菜,個賓客就以為係幾棵菜浸係水度,就覺得味都無乜,費事食。經過周思來三番四請之下,終於肯試食,點知呢個賓客一食就著左迷咁,大啖大啖咁食,仲問點解白水煮白菜可以咁好食。

如果有人真係煮左個「開水白菜」俾你,但又同你講係普通開水白菜,都唔知信佢定唔知佢好喇?都係美女廚房講得中,「食左先講,食左先講」。